Скопкото јавно обвинителство попладнето извести дека по спроведената истрага поднело обвинение против три лица за убиство на ракометарот Денис Тот. Сите три лица се товарат за кривично дело „убиство“ од член 123 став 1 во врска со член 22 од Кривичниот законик.
Според тоа, овие лице се сметаат за соучесници во извршувањето на делото и ним им е заканува казна затвор од
најмалку пет години.
Како што се наведува во соопштението од Основното обвинителство на Град Скопје, на 7 април пред ноќен клуб во Градскиот парк во Скопје тие заеднички го лишиле од живот оштетениот Денис Тот.
„По кратка расправија, сите тројца му нанеле повеќе удари и тешки телесни повреди од кои кај оштетениот најпрвин настанала коматозна состојба, а следниот ден починал“,
се додава во соопштението.
Од скопското ОЈО информираат и дека надлежниот јавен обвинител до Основниот кривичен суд Скопје доставил и предлог за продолжување на мерката притвор за тројцата обвинети, бидејќи се уште постојат околностите поради кои таа мерка им беше определена во текот на истрагата.