На инфективните оддели се лекуваат 1 302 пациенти, од кои 805 во внатрешноста на државата

Има околу 190 празни болнички кревети во ковид-центрите, велат од Министерството за здравство

Во изминатите 24 часа во ковид-центрите во болниците низ земјава е пријавено дека се лекуваат вкупно 805 пациенти позитивни и сомнителни на коронавирусот, соопшти Министерството за здравство.

Во болницата во Битола се хоспитализирани 75 пациенти позитивни и сомнителни на ковид-19. Во болницата во Штип се хоспитализирани 60 пациенти. На инфективното одделение во Тетово има 45 пациенти, во Велес се лекуваат 47 болни, а во Куманово 104 позитивни и сомнителни на ковид-19.

Во ковид-центарот во Охрид се хоспитализирани 100 пациенти, во Прилеп 97 во ковид-центарот во Гостивар 57, а во Струга 44 болни. Во болницата во Струмица хоспитализирани се 65 пациент, во Кочани 17 во Кичево 10, Кавадарци 53, во Гевгелија 20 лица, а во Дебар 11 позитивни и сомнителни на коронавирусот.

Уште 43 пациенти се хоспитализирани во ковид-центрите во Скопје, а дома се пуштени 31

Вкупната бројка пациенти позитивни и сомнителни на коронавирусот кои се лекуваат на инфективните оддели во главниот град и во болниците низ земјава е 1 302 и има околу 190 празни болнички кревети во ковид-центрите.

„Во тек на денот се прават и исписи на оздравени пациенти со што ќе се ослободат дополнителни легла. Инаку, сите одделенија на клиничките болници располагаат со болнички места до кои има довод на кислород. Министерството за здравство е во постојан контакт со сите болници и доколку има потреба, капацитетите на ковид-одделенијата ќе бидат дополнително проширени“,

стои во соопштението.