Во соработка со германските служби за борба против недозволена трговија со дрога на територијата на Германија е запленета поголема количина марихуана, соопштија од МВР.
Станува збор за марихуана со висок квалитет чија вредност е проценета на над 100 000 евра.
Во акцијата на почетокот на септември на германска територија е уапсено едно лице, а истрагата за овој случај, додаваат од МВР, продолжува и понатаму.