МВР со детали за сообраќајката кај селото Тркање: Пешакот починал на лице место

Возилото „опел астра“ со кочански регистарски ознаки било управувано од К.А.(26) од с.Облешево

Околу 8 часот часот на магистралниот пат Штип – Кочани, кај с.Тркање, кочанско, патничко возило „опел астра“ со кочански регистарски ознаки, управувано од К.А.(26) од с.Облешево, кочански, удрило во пешакот С.С.(56) од с.Теранци, кочанско, потврди Министерството за внатрешни работи.

Од здобиените повреди пешакот С.С. починал на местото, а лекар констатирал смрт. Увид извршила екипа од ОВР Кочани, се наведува во соопштението од МВР.

Утрово загина пешак во сообраќајка кај селото Тркање на патот Штип – Кочани

По несреќата возилата беа пренасочувани по експресниот пат, а од 10 и 40 часот нормализиран е сообраќајот на магистралниот пат Штип – Кочани, информира АМСМ.