Лицата на возраст од 26, 30, 41 и 42 години на 20 јуни физички го нападнале вработениот на бензинска станица во Ченто
Четири лица од скопското село Стајковци вчера се приведени за физички напад на вработен на бензинска станица во скопската населба Ченто, кој го извршиле пред неколку дена, соопшти денеска Министерството за внатрешни работи.
Според полицискиот билтен, се работи за лица на возраст од 26, 30, 41 и 42 години, сите од Стајковци, кои на 20 јуни физички го нападнале вработениот на бензинска станица во Ченто.
Тие биле приведени во полициска станица и во координација со јавен обвинител, по целосно документирање на случајот, против нив ќе биде поднесена соодветна пријава.