Вкупно 62 мигранти се откриени вчера попладне при контрола на два товарни воза што пристигнале на железничката станица во Гевгелија од Грција, соопшти МВР.
Во првиот воз се пронајдени 42 мигранти од кои 38 од Мароко, два од Сирија и двајца од Алжир. Мигрантите се откриени во 15:55 часот од страна на полициски службеници од полициската станица „Богородица“ и полициски службеници од Република Чешка и Австрија откако возот пристигнал во 15:25 часот.
Подоцна, во 19 часот вечерта, при контрола на товарен воз, кој исто така пристигнал од Грција, пронајдени се уште 20 мигранти, осум од Пакистан, седум од Авганистан, три од Мароко и два од Алжир.
Сите се пренесени во Прифатниот транзитен центар во Гевгелија.