Во меѓувреме дел од медиумите, повикувајќи се на свои извори, неофицијално објавија дека акцијата е насочена кон поранешни директори на државната компанија Електрани на Северна Македонија (ЕСМ)
Во тек е голема акција на Министерството за внатрешни работи во неколку града во државата во која според неофицијални информации приведени се повеќе лица.
Од МВР за „360 степени“ потврдија дека се спроведува акција, но повеќе детали не откриваат. Оттаму најавуваат повеќе информации во текот на денот.
Според Министерството, таа се спроведува во координација со Основното јавно обвинителство за гонење на организираниот криминал и корупцијата (ОЈО ГОКК) од каде што, исто така, велат дека во моментов можат само да потврдат дека има акција.
Во меѓувреме дел од медиумите, повикувајќи се на свои извори, неофицијално објавија дека акцијата е насочена кон поранешни директори на државната компанија Електрани на Северна Македонија (ЕСМ).
Неофицијално, се наведува дека директорите кои со компанијата раководеа за време на претходната власт на СДСМ и ДУИ се осомничени за злоупотреба на службената положба.