Ова, како што посочи тој, е негово индивидуално мислење како член на претседателството на ДУИ, а одговарајќи на прашањето дали Артан Груби, Бујар Османи и Фатмир Бесими се првите што треба да се сменат од позициите на извршната власт, Џафери кажа дека врз основа на отчетноста и резултатите ќе се направи класификација и ќе се донесе одлука кој ќе замине
Изјавата на Муса Џафери доаѓа три дена откако на вонредниот состанок свикан од претседателот на ДУИ, Али Ахмети, централниот совет на партијата донесе одредени измени во партиското раководство, при што Артан Груби беше сменет од функцијата организациски секретар на партијата и е назначен за член на централното претседателство
Не е крај на светот ако актуелните министри на ДУИ си заминат и им отворат пат на нови кадри, изјави вчерва Муса Џафери, член на претседателството на ДУИ во своето гостување во „Емисија 200“ на Алсат ТВ.
„Зошто е крај на светот ако може да се реконструираат Артан, Бујар или Фатмир Бесими, мојот колега, за да дојдат други? Тоа се тие што тврдат дека ќе дојдат млади, нека ни направат пат да видиме кои се тие млади луѓе. Не е трагично“,
вели Џафери.
Ова, како што посочи тој, е негово индивидуално мислење како член на претседателството на ДУИ, а одговарајќи на прашањето дали Артан Груби, Бујар Османи и Фатмир Бесими се првите што треба да се сменат од позициите на извршната власт, Џафери кажа дека врз основа на отчетноста и резултатите ќе се направи класификација и ќе се донесе одлука кој ќе замине.
„Ова е мое индивидуално мислење како член на претседателството. Врз основа на отчетноста и резултатите, ќе се направи класификација и ќе се донесе одлука кој ќе замине, кој ќе го напушти местото. Нема да ги носиме на гилотина. Ќе работат на други функции, ќе работат партиски функции“,
додаде тој.
Изјавата на Џафери доаѓа три дена откако на вонредниот состанок свикан од претседателот на ДУИ, Али Ахмети, централниот совет на партијата донесе одредени измени во партиското раководство, при што Артан Груби беше сменет од функцијата организациски секретар на партијата и е назначен за член на централното претседателство.
Смените во партијата доаѓаат откако „Огнената група“ од ДУИ пред дваесетина дена излезе со отворено писмо револтирана од првиот вицепремиер Артан Груби и побара промени во партијата.
По вонредниот состанок на ДУИ, првиот вицепремиер Артан Груби им се заблагодари на сопартијците кои го поддржаа да биде член на претседателството на партијата, но не одговори дали ќе има промени во именувањето на министрите од редовите на партијата.
„Видовте дека имаше извонредна атмосфера на Генералниот совет на ДУИ, која како партија е единствена во државата и во регионот што директно ја пренесуваше седницата на Генералниот совет. Сакам да им честитам на сите членови на Генералниот совет и на новите членови на Претседателството и особено им благодарам за поддршката за првпат да бидам избран за член на Претседателството бидејќи до сега автоматски учествував во работите на раководството на партијата како шеф на кабинетот на претседателот Ахмети“,
рече Груби.