Вучиќ рече дека и ако дојде до пролонгирање на парламентарните избори, кои се закажани за 26 април, тоа би било за само две недели
Пред стартот на кампањата, српскиот претседател предлага повеќе телевизиски дебати и митинзи на отворено
Српскиот претседател Александар Вучиќ денеска остави простор за можно одложување на парламентарните избори во земјата, кои се закажани за 26 април, во случај да се влоши ситуацијата со коронавирусот. Одговарајќи на новинарско прашање, Вучиќ рече дека за тоа ќе разговара со партиите што учествуваат на изборите, јави МИА од Белград.
„Ако имаме многу потешка ситуација – тогаш се знае какви се уставните овластувања. Доколку и дојде до поместување, тоа ќе биде две или три недели. Јас се подготвувам за 26 април, а ако и дојде до поместување на изборите, ќе ги поместиме за две недели. И тоа ако имаме многу потешка ситуација со коронавирусот отколку денес, а јас тоа не го гледам,
изјави српскиот претседател по состанокот на државниот врв поради новооткриените случаи на коронавирус во Србија.
*Поврзани вести: Спасовски свикал лидерска средба за состојбата со коронавирусот
Тој најави дека во наредните денови ќе разговара со претставниците на партиите што учествуваат на изборите за да се организираат што е можно повеќе телевизиски дебати, а дури во април да се одржат митинзите на отворен простор.
„Никој нема да забрани протести на отворено. Ги прашав лекарите и ми рекоа дека не е проблем на отворен простор бидејќи станува збор за респираторна болест“,
изјави Вучиќ.
Тој, исто така, потврди дека СНС до 1 април нема да одржува предизборни митинзи, ниту на отворено ниту во затворен простор.
Во Србија денес и други политички партии соопштија дека поради епидемијата со коронавирус ги откажуваат предизборните митинзи до 1 април, меѓу кои и Социјалистичката партија на Србија (СПС), Српската радикална партија, како и партиите на опозицискиот блок Сојуз за Србија (СзС) и движењето за слободни граѓани (ПСГ) во поглед на митинзите за бојкот на изборите.
*Поврзани вести: Србија не им дозволи на македонски државјани што се враќаат од Италија да транзитираат низ српска територија
Уште седум новозаразени со коронавирус во Србија – вкупно се 12