Спасувачите „веројатно ќе наоѓаат од 10 до 20 луѓе дневно додека не завршат“, предупреди гувернерот на Хаваи, Џош Грин, во интервју за мрежата Си-би-ес
Бројот на загинати во шумските пожари на Хаваи, најлошите во САД во повеќе од сто години, може да се удвои, па дури и тројно да се зголеми оваа недела, предупредија властите, очекувајќи дека ќе наоѓаат „од 10 до 20“ мртви дневно, додека моментално се цел на критика за управување со катастрофи.
Пожарите, со необичен интензитет и брзина, однесоа 96 животи на островот Мауи, покажуваат последните објавени резултати.
Но, кучињата трагачи кои моментално го пребаруваат изгорениот град Лахаина, кој беше речиси целосно уништен од пожар, имаат уште многу почва за покривање.
Спасувачите „веројатно ќе наоѓаат од 10 до 20 луѓе дневно додека не завршат“, предупреди гувернерот на Хаваи, Џош Грин, во интервју за мрежата Си-би-ес.
Според него, потрагата „најверојатно ќе трае уште десет дена“, а конечниот број на жртви засега е „невозможно да се процени“.
Властите сè уште трагаат по 1 300 исчезнати лица, рече гувернерот. Тој број опаѓа бидејќи комуникациите на Мауи постепено се обновуваат и жителите можат да ги лоцираат своите најблиски.
Околностите на овие разорни пожари, чија причина сѐ уште не е позната, сѐ уште не се јасни.
Пожарот ги затекнал жителите, за што многумина вината ја префрлаат на надлежните.
Сирените користени во предупредувањата за цунами не се огласиле. Официјалниот систем за алармирање преку телевизија, радио и мобилни телефони бил бескорисен за жителите кои останале без струја и сигнал.
Во тек е истрага за да се испита како се менаџирала кризата.
Фото: EPA-EFE/HAWAII DEPARTMENT OF LAND AND NATURAL RESOURCES HANDOUT