Високиот совет за радио и телевизија на Турција соопшти оти медиумските куќи имаат рок од 72 часа за добивање лиценца за работа, а во спротивно им се заканува забрана за емитување на програмата во Турција
Турција предупреди дека меѓународните медиумски куќи Дојче веле, Гласот на Америка и Евроњуз мора да поднесат барање за лиценца и да добијат дозвола за работа, а во спротивно пристапот до нивните платформи во Турција ќе биде блокиран.
Високиот совет за радио и телевизија на Турција соопшти оти медиумските куќи имаат рок од 72 часа за добивање лиценца за работа, а во спротивно им се заканува забрана за емитување на програмата во Турција.
Илхан Ташчи, член на Советот за радио и телевизија на Турција и пратеник од опозициската Републиканска народна партија (ЦХП) изјави дека одлуката на Советот е уште еден обид за нарушување на слободата на медиумите во Турција.
Мнозинство, од вкупно девет члена во Советот, има владејачката Партија за правда и развој (АКП).
Пред една седмица и Русија забрани емитување на германскиот меѓународен сервис на Дојче веле, ја затвори неговата канцеларија во Москва и им ги одзема акредитациите на новинарите од тој медиуми. Овој потег Русија го презема по одлуката на германскиот регулатор, кој ги блокираше преносите на рускиот ТВ-канал РТ Германија.