„Сето ова заслужува внимателно да се разгледа. Можеби билатерално. Не го исклучуваме тоа. Затоа, ќе го анализираме сето ова и ќе донесеме соодветни одлуки“, изјави рускиот претседател Владимир Путин, коментирајќи го предлогот на претседателот на Украина
Рускиот претседател Владимир Путин најави дека Москва ќе го анализира предлогот на Украина за запирање на воздушните напади врз цивилната инфраструктура.
Тој ова го кажа коментирајќи го предлогот на украинскиот претседател Володимир Зеленски за запирање на нападите со беспилотни летала и ракети врз цивилна инфраструктура во период од 30 дена.
„Сето ова заслужува внимателно да се разгледа. Можеби билатерално. Не го исклучуваме тоа. Затоа, ќе го анализираме сето ова и ќе донесеме соодветни одлуки“,
изјави денеска рускиот претседател пред новинарите.
Коментирајќи ја изјавата на Путин, порпаролот на Кремљ, Дмитриј Песков, изјави дека рускиот претседател зборувал за можни билатерални консултации со Украина, кои би биле први од пролетта 2022 година.