Врз завршната оценка ќе влијаат и оценките од првото тримесечје, првото полугодие и третото тримесечје
„Доколку ситуацијата не дозволува учениците да се вратат во училниците до крајот на тековната наставна година, завршните сумативни оценки ќе бидат засновани на резултатите што ги постигнале учениците во текот на целата година, преку редовна настава, како и преку активното учество на онлајн-платформите и мрежите, електронското портфолио или друго средство за бележење на трудовите на учениците, белешките водени од наставниците коишто можат да се добијат преку разни видови размена на трудови што учениците можат да им ги обезбедат на наставниците преку е-пошта или во рамките на избраната мрежна платформа“, се наведува во упатството до наставниците за начинот на оценување на наставниците, објавено на веб-страницата Министерството за образование и наука.
Исто така, се истакнува дека врз завршната оценка ќе влијаат и оценките од првото тримесечје, првото полугодие и третото тримесечје. Учениците од прво до трето одделение ќе добијат описна оценка, а оние од четврто до деветто бројчана, како и учениците од средните училишта.
Поврзани вести
(ВИДЕО) 360° во домашните училници во време на коронавирусот
Наставата продолжува „онлајн“, се воведува и национална платформа за е-училница