„Во комуникација со Универзитетот ‘Св. Кирил и Методиј’ во Скопје, добивме информација дека Ректоратот побарал мислење од факултетите и единиците во состав за тоа дали износите кои во моментов се плаќаат се оправдани или можеби треба да претрпат одредени корекции. Но, тоа е интерно инициран процес“, велат од ресорното министерство
Ги уверуваме студентите дека ниту една одлука која го засега нивниот образовен процес нема да биде донесена без да бидат вклучени организациите кои ги застапуваат идните академски граѓани. Износите на партиципација за студирање на државните високообразовни установи на сите три циклуси остануваат идентични како и досега.
Ова денеска го соопштија од Министерството за образование и наука, како реакција на натписите во дел од медиумите дека на иницијатива на Министерството и Владата двојно ќе се зголемува партиципацијата за студирање на државните високообразовни установи на сите три циклуси на студии.
„Се работи за невистинита информација и затоа апелираме студентите да бидат спокојни, бидејќи и натаму ќе ги плаќаат истите износи за државната и за квотата со кофинансирање кои важат во моментов. Во комуникација со Универзитетот ‘Св. Кирил и Методиј’ во Скопје, добивме информација дека Ректоратот побарал мислење од факултетите и единиците во состав, за тоа дали износите кои во моментов се плаќаат се оправдани или можеби треба да претрпат одредени корекции. Но, тоа е интерно инициран процес,
велат од МОН.
Оттаму посочија и дека го почитуваат принципот на инклузивност при креирањето на политиките и носењето на одлуките, па затоа ги уверуваат студентите дека ниту една одлука која го засега нивниот образовен процес нема да биде донесена без да бидат вклучени организациите кои ги застапуваат идните академски граѓани.