Од МОН велат дека зголемување на платите во образование ќе има, како што имаше и во изминатите пет години и објаснуваат дека се понудени 10 % кои ќе се обезбедат со ребалансот на Буџетот, што би значело повисоки плати на наставниците за 2 500 денари месечно и методологија со која ќе се обезбеди континуиран раст на платите и трајно решавање на социјалниот статус на вработените во образование
Разумно е штрајкот да се стави во мирување, а синдикатот да продолжи со преговорите, се до постигнувањето на решение прифатливо за сите страни. Во спротивно, СОНК ќе биде единствениот одговорен за непоправлива загуба на учениците и на родителите, реагира Министерството за образование и наука на одлуката на СОНК да го одбие владиниот предлог за 10 отсто зголемување на платата и да продолжи со штрајкот.
Во соопштението посочуваат дека е неодговорно е да се инсистира на продолжување со прекинот на наставата, во услови кога на наставниците им е понудено решение за раст на платите и ги повикуваат наставниците да почнат повторно да делуваат во најдобар интерес на децата и да се вратат на настава.
„Секој изгубен ден и час од образовниот процес е на директна штета на учениците и никој не може да ги надомести. Затоа, Министерстевото за образование и наука ја поздравува иницијативата од Советот на СОНК за интензивирање на преговорите за зголемувањето на платите на наставниците но не и одлуката да се продолжи со штрајк“,
се вели во соопштението.
Од МОН велат дека зголемување на платите во образование ќе има, како што имаше и во изминатите пет години и објаснуваат дека се понудени 10 % кои ќе се обезбедат со ребалансот на Буџетот, што би значело повисоки плати на наставниците за 2 500 денари месечно и методологија со која ќе се обезбеди континуиран раст на платите и трајно решавање на социјалниот статус на вработените во образование.
Исто така се потсетува на зголемување на платите на наставниците од 21 % со што платата на наставник/чка во основно образование е порасната за над 3 200 денари плус минат труд и сега е најмалку 24 786 денари, додека на наставник/чка во средно образование зголемувањето е над 4 300 денари плус минат труд и просечна плата од 25 874 денари.
„Наставници, ставете го интересот на децата пред својот личен интерес. Местото на учениците е во училиште. Правото на образование на секое дете е уставно загрантирано право“,
порачуваат од МОН.
Штрајкот во училиштата и градинките ќе продолжи, одлучи Советот на Синдикатот на образование наука и култура (СОНК) откако ги разгледа и донесе свои ставови за заклучоците кои произлегоа од вчерашната владина седница.
„Штрајкот ќе продолжи сè до тогаш додека не се договориме по спорните прашања и не потпишеме спогодба за нив“,
рече претседателот на СОНК, Јаким Неделков.
Според СОНК, вчерашните владини заклучоци не водат кон решавање на несогласувањата со Владата и сметаат дека се врши огромен притисок врз наставниците и воспитниот кадар во градинките.