Шефот на Службата за информации и безбедност на Молдавија, Александру Мустеата рече дека неговата агенција верува оти Русија разгледува неколку сценарија за да стигне до Молдавија и дека е можно да започне офанзива врз оваа земја во јануари-февруари или подоцна во март-април, а дека руската офанзива би зависела од нејзината тековна инвазија на Украина.
Шефот на молдавското разузнавање предупреди дека постои „многу висок“ ризик од нова руска офанзива на истокот на неговата земја следната година и дека Москва сè уште има за цел да обезбеди копнен коридор низ Украина до отцепениот молдавски регион Приднестровје, пишува Ројтерс.
Коментарите на Александру Мустеата, шеф на Службата за информации и безбедност, уследија по неодамнешната порака од Украина, кога врвните армиски генерали предупредија на заканата од голема руска офанзива на почетокот на следната година.
„Прашањето не е дали Руската Федерација ќе изврши нов упад на територијата на Молдавија, туку кога ќе го направи тоа“,
изјави Мустеата за телевизискиот канал ТВР-Молдавија .
Тој рече дека неговата агенција верува оти Русија разгледува неколку сценарија за да стигне до Молдавија и дека е можно да започне офанзива врз оваа земја во периодот јануари-февруари или подоцна во март-април, а дека руската офанзива би зависела од нејзината тековна инвазија на Украина.