МНР: Уште десет македонски државјани го напуштија Израел, се работи на враќање на уште 100

Министерството за надворешни работи утрово соопшти дека четворица од десетемина македонски државјани го напуштиле Израел со лет до Атина, петмина до главниот град на Црна Гора, Подгорица, а едно лице со лет до Истанбул. Со нив, вкупната бројка на наши државјани кои во изминативе два дена го напуштија Израел надмина 30 лица, велат од МНР

Најголем дел од нашите државјани, според МНР, се наоѓаат на безбедни локации во Израел, но дел се во подрачја кои беа опфатени со насилствата и се сметаат за небезбедни. За нив веќе е обезбеден транспорт низ територијата на Израел за префрлање на безбедна локација. Меѓу нив се и двајца македонски државјани во Појасот Газа, за чие извлекување е задолжена Амбасадата на С Македонија во Каиро, Египет

Уште десет македонски државјани преку различни канали го напуштиле Израел по ненадејниот напад на групата Хамас и воените операции кои уследија како одговор од израелска страна.

Министерството за надворешни работи работи утрово соопшти дека четворица од десеттемина македонски државјани го напуштиле Израел со лет до Атина, петмина до главниот град на Црна Гора, Подгорица, а едно лице со лет до Истанбул.

Со нив, вкупната бројка на наши државјани кои во изминативе два дена го напуштија Израел надмина 30 лица, велат од МНР.

Оттаму информираат дека Амбасадата на Северна Македонија во Тел Авив, во тесна координација со Кризниот штаб во Министерството за надворешни работи, активно работи на враќање на уште 100 наши државјани кои побарале помош за напуштање на Израел.

Бројката на пријавени граѓани кои сакаат да заминат од Израел надмина 100, МНР прави напори да им обезбеди трансфер на безбедна локација

Најголем дел од нив, според Министерството, се наоѓаат на безбедни локации.

„Еден дел од нив веќе имаат обезбедено билети преку редовните летови кои се активни преку меѓународниот аеродром во Тел Авив кој е во целосна функција“,

додаваат од МНР.

Дел од македонските државјани, пак, се наоѓаат во подрачја кои беа опфатени со насилствата и се сметаат за небезбедни. За нив, како што информираат од МНР, веќе е обезбеден транспорт низ територијата на Израел за нивно префрлање на безбедна локација, од каде можат да бидат упатени кон дома.

„Меѓу нив се и двајца наши државјани во Појасот Газа, за чие извлекување е задолжена Амбасадата на Северна Македонија во Каиро, која е во директна комуникација со Министерството за надворешни работи на Египет“,

се наведува во соопштението на МНР.

Според проценките на Кризниот штаб кој го формираше Министерството за извлекување на македонските државјани, на територијата на Израел престојуваат до 200 македонски државјани.

Се работи на безбедно враќање на сите наши граѓани кои се во Израел, вели Ковачевски

Поголемиот дел од нив се прецизно лоцирани и со редовно се одржува комуникација сè до нивно враќање во земјава.

„Министерството за надворешни работи изготви информација за состојбите во Израел, со проекција за наредните денови, која е доставена до Владата која одлучува за наредните чекори“,

велат од МНР.

Девет македонски туристи од Велес кои биле во Израел се евакуирани со помош на Албанија

Од Министерството повторно апелираат до нашите државјани во Израел да го следат националниот портал за итни случаи (www.oref.org.il), односно т.н. Home Front Command, специјализиран за цивилна заштита, кој излезе со нови препораки до населението, како и да се почитуваат сите други упатства на надлежните институции на Израел.

„Потсетуваме дека Министерството за надворешни работи на Северна Македонија на располагање ги има и двата СОС дежурни телефони – 075/ 273- 732 и 075/268-736, како и дежурниот телефон на Амбасадата во Тел Авив +972-54-926-7378“.

Израел воспостави целосна контрола над границата со Појасот Газа