Според правилата на НАТО донесени далеку пред нашето членство, земјите – членки се одбележуваат со првите две букви од името на земјата, и тоа, доколку е тоа со еден збор, или со првите букви од двата збора, како во нашиот случај кога името е од повеќе зборови
Што се однесува до интерните акти на Алијансата, онаму каде е тоа е специфично наведено, се користат кратенките од ISO системот, каде нашата држава редовно е обележана со соодветните ISO кодови – МК и МКД
Министерството за надворешни работи вечерва соопшти дека информациите во некои медиуми за промена во начинот на кој Република Северна Македонија се именува или обележува во НАТО, претставуваат тенденциозна шпекулација наменета за нарушување на угледот и на земјата и на Алијансата.
Во некои медиуми беше објавено дека досегашните кодови MKD/MK и се заменети со NM (North Macedonia).
Во соопштението од МНР се истакнува дека според правилата на НАТО, донесени далеку пред нашето членство, за протоколарни потреби земјите се означуваат со целосните имиња, и тоа соодветно на транскрипцијата во англиската азбука, освен кога тоа е технички неизводливо.
„Со цел да не се промени редоследот, земјите – членки се одбележуваат со првите две букви од името на земјата, и тоа, доколку е тоа со еден збор, или со првите букви од двата збора, како во нашиот случај кога името е од повеќе зборови. Целта на ова правило е соодветно да се адаптираат целосните имиња на земјите без притоа да се наруши азбучниот ред на англиски јазик по кој се подредени земјите, што, пак, е исто така правило во рамките на Алијансата“,
велат од МНР.
Истото правило, велат од МНР, кое важи за нас, применето е и за кратенките кои се користат за некои други земји – Турција (TU), Германија (GE), Данска (DE), кои исто така не соодветствуваат со нивните ISO кодови.
Што се однесува до интерните акти на Алијансата, онаму каде е тоа е специфично наведено, се користат кратенките од ISO системот, каде нашата држава редовно е обележана со соодветните ISO кодови – МК и МКД.