Украинската влада вчера отвори вебстраница на која се поднесуваат апликации
Четири дена по руската инвазија на Украина, заменик-министерот за одбрана Хана Малиар на Твитер објави дека претседателот Зеленски дал одобрение за формирање „Меѓународна легија“
Додека жителите ја напуштаат Украина, речиси 20 000 странски државјани поднеле барање да одат таму да се борат, според министерот за надворешни работи на Украина, Дмитро Кулеба, цитиран во локалните медиуми.
Украинската влада вчера отвори вебстраница на која се поднесуваат апликации.
Говорејќи на онлајн-брифингот денеска, Кулеба рекол дека волонтери од 52 земји досега се пријавиле да се приклучат за одбрана на Украина.
Тој додаде дека нема да прецизира од кои земји дошле апликациите.
Претходно денеска, шефот на вооружените сили на Обединетото Кралство изјави за Би-би-си дека Британците не треба да одат во Украина за да се борат и наместо тоа треба да помогнат колку што можат од дома.
Четири дена по руската инвазија на Украина, заменик-министерот за одбрана Хана Малиар на Твитер објави дека претседателот Зеленски дал одобрение за формирање „Меѓународна легија“ и дека досега им пристигнале илјадници барања од странци кои сакаат да се борат на страна на Украина.