Веднаш повикувам не само до тие политичари кои вршат притисок, туку и до останатите членови на историската комисијата која преговара, да ја следат постапката на професорот Ванчо Ѓорѓиев, рече Мицкоски
Од СДСМ, пак, велат дека лидерот на ВМРО-ДПМНЕ со ваквите изјави признал дека тој стои зад оставката на историчарот односно дека тоа било негова иницијатива
Коментирајќи ја оставката на историчарот Ванчо Ѓоргиев од заедничката комисија со Бугарија, лидерот на ВМРО-ДПМНЕ, Христијан Мицкоски, во изјава за медиумите денеска рече дека е шокантно што некој помеѓу двата изборни круга одлучува да распродава дел од македонскиот идентитет на сметка на тоа да опстане политички.
Тој потенцираше дека имаме јасна Резолуција изгласана во Собранието и очекува личните и бизнис интереси да бидат оставени на страна, а до останатите членови на комисијата апелираше на трезвеност, патриотски чувства и да внимаваат што преговараат и што потпишуваат. Исто така, повика да го следат чекорот на Ѓоргиев.
„Веднаш повикувам не само до тие политичари кои вршат притисок, туку и до останатите членови на историската комисијата која преговара, да ја следат постапката на професорот Ванчо Ѓорѓиев, затоа што треба да се свесни дека слугувањето на тие кои ја продаваат Македонија ќе биде запишано во историјата, ама на темната страна“,
рече Мицкоски.
Од СДСМ, пак, велат дека лидерот на ВМРО-ДПМНЕ со ваквите изјави признал дека тој стои зад оставката на историчарот односно дека тоа било негова иницијатива.
„Христијан Мицкоски денеска случајно или не призна дека оставката на членот на Комисијата за историски и за образовни прашања помеѓу Македонија и Бугарија, Ванчо Ѓорѓиев, е негово дело и по негова инструкција. Со повикот до останатите членови на Комисијата и тие да си дадат оставка, Мицкоски се обидува по којзнае кој пат да ги поткопа позициите на државата и да ги влоши односите со Република Бугарија. И Комисијата и владата ги демантираа лажните вести на Ѓорѓиев за наводни притисоци врз работата, но тоа не го спречува Мицкоски во неговите деструкции. Одамна е прочитано ваквото неодговорно, антинародно и антидржавно однесување на Мицкоски, затоа повторно ќе биде казнет од граѓаните“,
пишува во реакцијата на СДСМ.
*Поврзани вести:
- Оставка во комисијата со Бугарија: Ванчо Ѓорѓиев обвинува за политички влијанија
- Изненадени сме од тврдењата на Ѓорѓиев, реагираат од комисијата за историски прашања со Бугарија
- Од Владата отфрлаат дека влијаеле врз работата на Комисијата за историски прашања со Бугарија
- Поради бугарските инсистирања не се усвоени решенија на 15. состанок на историската комисија, велат од македонскиот тим за МИА