„Германскиот канцелар Шолц изјави дека ЕУ не е целосна без државите од Западен Балкан“, пишува премиерот во објавата на Фејсбук
Европската Унија (ЕУ) мора да ги поддржи државите кои покажуваат зрелост, одлучност и соработка за заедничката цел. Македонија прави многу на овој план, порача денеска премиерот Христијан Мицкоски од Берлин каде што учествува на состанокот на шефови на влади на земјите од Западен Балкан во рамки на Берлинскиот процес.
„Германскиот канцелар Шолц изјави дека ЕУ не е целосна без државите од Западен Балкан“,
напиша Мицкоски на Фејсбук.
Германскиот канцелар Олаф Шолц претходно денеска на отворањето на средбата на лидерите од Западен Балкан изјави дека ЕУ е целосна само ако дел од неа се и земјите од регионот кои треба да преземат дополнителни чекори кон заедничка иднина. Канцеларот нагласи дека сите знаат колку регионот на Западен Балкан сè уште е обликуван од конфликтите од минатото и дека е време тие да се надминат и регионот да се насочи кон иднината.