Во преписката меѓу ДУИ и неговата партија на тема корупција се вклучи и лидерот на ВМРО-ДПМНЕ, Христијан Мицкоски, кој за најголем проблем во земјава ги смета корупцијата и криминалците во политиката.
„Корупцијата и криминалците во политиката се најголемиот проблем во Македонија. Корупцијата и криминалот се причина за помалку пари во буџетот, помалку за образованието, здравството, земјоделците, младите, пензионерите, помалку странски и домашни инвеститори, а повеќе иселување, помалку за спортот и културата, а повеќе за нови хациенди на корумпирани политичари во Македонија. Корупцијата и криминалот во владата на ДУИ, поддржана од СДСМ, има епидемични големини“,
пишува Мицкоски на својот фејсбук-профил.
Притоа, тој користи табела на „Ворлд џастис проџект“ (World Justice Project – WJP).
„Македонија во 2015 година била на 38. место (слика 1), а во 2022 година е на 73. место. Речиси за двојно е влошена состојбата со корупцијата. Имаме план, знаеме како да се бориме против корупцијата и криминалците во политиката. Потребни се избори за Македонија да може да тргне напред!“,
вели Мицкоски.