Лидерот на ВМРО-ДПМНЕ, Христијан Мицкоски, денеска се сретнал со германската амбасадорка во земјава Енке Холштајн, на која ѝ посочил дека врз основа на добиената доверба од граѓаните и верувајќи во принципите и вредностите за кои се залагала коалицијата „Обнова на Македонија“, прави напори за формирање на ново парламентарно мнозинство.
Тоа, како што нагласил Мицкоски, ќе значи зафаќање со сериозна работа за надминување на тешката криза во која се наоѓа државата.
Мицкоски на средбата истакнал дека е потребен сериозен ангажман на сите институции во исполнување на европската агенда и напредок на патот кон интегрирање кон Европската Унија.
„Владата на СДСМ не е способна да испорача резултати кои би биле препознаени од стратешките партнери од Унијата“,
рекол Мицкоски на средбата.
На предвремените парламентарни избори што се одржаа на 15 месецов СДСМ освои 46 пратенички мандати, а ВМРО-ДПМНЕ 44.