Посочи дека само пред неколку месеци како тогашна опозиција, истите пратеници блокирале важни закони и го условувале нивното донесување со Законот за бранителите
Пратениците на ВМРО-ДПМНЕ и на ЗНАМ денеска де факто и де јуре покажаа дека се против решавање на статусот на бранителите. Ова денеска на прес-конференција го изјави пратеникот од Социјалдемократскиот сојуз (СДСМ), Јован Митрески, откако не беше прифатен неговиот предлог на дневен ред на собраниската Комисија за дееловнички и мандатно-имунотетни прашања да се стави разгледување на правања во врска со спроведување на Деловникот на Собранието од страна на претседателот на Собранието во врска со примената на член 126 став 3 и давање мислење за разрешување на спорнитее прашања во врска со т.н. закон за бранители и негово неставање на дневен ред на Комисијата за труд.
„Ако досега се криеја зад Африм Гаши, денеска го покажаа вистинското лице. Пратениците на ВМРО-ДПМНЕ и ЗНАМ гласаа ‘против‘ на дневен ред да биде ставена точна со која ќе се задолжи претседателот на Собранието, Афтим Гаши да закаже седница за да се реши статусот на бранителите“,
рече Митрески.
Посочи дека само пред неколку месеци како тогашна опозиција, истите пратеници блокирале важни закони и го условувале нивното донесување со Законот за бранителите.
„Еве ги сликитее што ги покажуваа тогаш на јавноста кога поднесуваа амандмани со кои сее блокираа закони се додека не се донесе Законот за бранители. Денеска тие исти пратеници што тогаш носењето на други закони пред носењето на Законот за бранителите го нарекуваа политичка шизофренија, го блокираат Законот за решавање на статусот на бранителите“,
вели тој.
Според него, овие лицемери денеска гласаа против бранителите и може да се констатура дека пратениците на ВМРО-ДПМНЕ и ЗНАМ како мнозинство во Собранието се што казаа, се излажале.
„Ова парламентарно мнозинство е неспособно, а затоа предлагаме закони со кои ќе им помогнеме на граѓаните од економски аспект. Предлагаме закони за намалување на ДДВ, за намалување на цените и за зголемување на платите“,
кажа пратеникот Митрески.