Мишел: Порано или подоцна ЕУ ќе мора да се откаже од руските енергенси

Покрај последниот, петти по ред пакет санкции објавен вчера, Европската Унија најави оти ќе воведе дополнителни санкции кон Русија, кои најверојатно ќе вклучуваат мерки против увозот на руска нафта

Порано или подоцна Европската Унија ќе мора да се откаже од руските гас и нафта за да изврши дополнителен притисок врз Русија за да ја запре агресијата врз Украина, изјави денеска претседателот на Европскиот совет, Шарл Мишел.

„Ги заоструваме нашите санкции за да го задржиме максималниот притисок врз Кремљ. Мислам дека порано или подоцна ќе бидат потребни мерки за нафтата, па дури и за гасот“,

рече Мишел во дебатата на пленарната седница на Европскиот парламент во Стразбур.

We are toughening our sanctions to keep maximum pressure on the Kremlin.

The new package includes a ban on coal imports.

And I think that measures on oil, and even gas, will also be needed sooner or later. pic.twitter.com/bhc9NGu4as

— Charles Michel (@eucopresident) April 6, 2022

Европската комисија вчера предложи петти пакет санкции против Русија, кој вклучува забрана за увоз на јаглен, забрана за сите трансакции за четири клучни руски банки, забрана за прифаќање руски бродови во европските пристаништа.

Што предвидува петтиот пакет санкции на ЕУ за Русија

Покрај последниот пакет санкции објавен вчера, Европската Унија најави оти ќе воведе дополнителни санкции кон Русија, кои најверојатно ќе вклучуваат мерки против увозот на руска нафта, изјави претседателката на Европската комисија Урсула фон дер Лајен.

„Мораме повторно да го зголемиме притисокот врз Путин и руската влада. Од таа причина предлагаме заострување на нашите санкции“,

изјави Фон дер Лајен пред Европскиот парламент за време на претставувањето на последниот пакет санкции, кој вклучува забрана за купување руски јаглен, додавајќи оти овие санкции нема да ни бидат последни.

We must increase pressure on Putin and the Russian government again.

So we propose to tighten our sanctions even further.

They limit the Kremlin´s political and economic options.

They affect Russia much harder than us.

And they will not be our last sanctions. pic.twitter.com/2ihQiz0Yqx

— Ursula von der Leyen (@vonderleyen) April 6, 2022

Таа во своето обраќање се осврна и на ситуацијата во украинскиот град Буча, каде што беа убиени над 400 цивили.

„Сите ги видовме потресните слики на Буча. Ова е тоа што се случува кога војниците на Путин ја окупираат украинската територија. Тие го нарекуваат ова ослободување. Јас го нарекувам ова воено злосторство“,

истакна Фон дер Лајен и дополни дека руските власти ќе одговараат за сите злодела.