Интензитетот на сообраќај на патните правци надвор од градските средини е зголемен. На граничните премини „Табановце“ и од „Богородица“, од македонска страна има задржување за влез во државата, времето на чекање е повеќе од еден час. На останатите гранични премини нема подолги задржувања, соопшти вечерва АМСМ.
И на социјалните мрежи, бројни патници кои се враќаат од продолжениот викенд се жалат дека има километарски колони за влез во Македонија од Грција и од Србија.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.