Писмото упатено до претседателката на ЕК го потпишаа и премиерите на Полска, Шпанија, Белгија и Данска
Неколку европски лидери, меѓу кои и германската канцеларка Ангела Меркел и францускиот претседател Емануел Макрон, побараа од Европската Унија да разгледа начини како подобро да се подготви за можниот нов бран од пандемијата на коронавирусот.
„Хаотичниот одговор на новиот коронавирус, од кој досега во ЕУ починаа 184 256 лица, покрена прашања за нивото на подготвеност и ја истакна потребата за европски пристап во контекст на вториот бран на пандемијата“,
се вели во писмо упатено до претседателката на Европската комисија Урсула фон дер Лајен.
Писмото, меѓу другите, го потпишаа и премиерите на Полска, Шпанија, Белгија и Данска.
Шефовите на држави и влади на ЕУ на 19 јуни ќе разговараат за пандемија на коронавирусот.