Марта Кос ја откажа посетата на Белград поради величањето на Ратко Младиќ - Вучиќ вели дека објаснувањето е „глупаво“

Кос дека враќањето на останките на Ратко Младиќ, осуден за геноцид, злосторства против човештвото и воени злосторства, во Белград ја потсетува Европа на најтемните страници од поновата историја

Претседателот на Србија рече дека не го загрижува фактот што Кос нема да дојде во Србија, туку, како што рече, нејзините коментари за Србија и српскиот народ

Еврокомесарката за проширување Марта Кос објави дека нема да дојде во Србија следната недела, а како причина го наведува величањето на поранешниот командант на Војската на Република Српска, Ратко Младиќ, во Србија по неговата смрт.

„Глорификацијата на неговата смрт е некомпатибилна со вредностите врз кои е изграден патот кон ЕУ. Тој пат бара соочување со минатото, вистинско помирување и почитување на жртвите на воените злосторства“,
напиша Кос на нејзиниот профил на Икс.

Вели дека враќањето на останките на Ратко Младиќ, осуден за геноцид, злосторства против човештвото и воени злосторства, во Белград ја потсетува Европа на најтемните страници од поновата историја.

Ratko Mladić was convicted of genocide, crimes against humanity and war crimes. The return of his remains to Belgrade reminds Europe of the darkest pages in our recent history.

The glorification surrounding his death is incompatible with the values on which the EU path is…
— Marta Kos (@MartaKosEU) September 4, 2026

Според неа, вредностите што ја поткрепуваат „нашата заедничка иднина не се предмет на преговори“.

„Во овој контекст, решив да не ја продолжувам мојата планирана посета на Србија во овој момент“,
додава Кос.

Според српскиот претседател Александар Вучиќ, објаснувањето за одложувањето на посетата на европската комесарка Марта Кос на Белград е глупаво.

„Објаснувањето беше исклучително кратко, но глупаво, како и обично. ’Глорификацијата’ на генералот Ратко Младиќ едноставно не кажува кој нешто го славел. А кога не можат да најдат ништо конкретно, тогаш се занимаваат со подвозници, надвозници, претпоставувам дека требаше да им забраниме на луѓето да се појавуваат, требаше да забраниме погребувања, треба да градиме гробишта за кучиња“,
рекол Вучиќ, пренесува Н1.

Претседателот на Србија рече дека не го загрижува фактот што Кос нема да дојде во Србија, туку, како што рече, нејзините коментари за Србија и српскиот народ.