Марш во центарот на Киев: Илјадници Украинци порачаа дека ќе се спротивстават на инвазијата

Претседателот на Украина, Володимир Зеленски им порача на граѓаните да останат смирени и да покажат единство

Неколку илјади Украинци учествуваа во денешниот собир во Киев, со цел да покажат единство поради наводната закана од руска инвазија, јавуваат тамошните медиуми.

Демонстрантите организираа протестен марш низ центарот на Киев и извикуваа „Слава на Украина“, а носеа  и транспаренти на кои пишуваше „Украинците ќе се спротивстават“ и „Напаѓачот мора да умре“.

Претседателот на Украина, Володимир Зеленски им порача на граѓаните да останат смирени и да покажат единство.

Макрон и Путин разговарале речиси два часа за намалување на тензијата околу Украина

Претходно Зеленски изјави дека американските предупредувања за непосреден напад на Русија врз Украина предизвикува паника и не им помага на Украинците. Тој додаде дека „паниката е најдобар пријател на нашите непријатели“.

„И сите тие информации (за напад) само предизвикуваат паника и не помагаат“,

посочи Зеленски.

Бајден му порачал на Путин: Воена инвазија на Украина ќе донесе „тешки последици“ за Русија