Мароко за првпат во историјата ќе игра меѓу осумте најдобри, а таму ќе се соочи со подобриот од натпреварот меѓу Португалија и Швајцарија
Репрезентацијата на Мароко го приреди едно од најголемите изненадувања на Мундијалот и ја елиминира Шпанија во осминафиналето.
Фудбалската репрезентација на Мароко се пласираше во четвртфиналето на Мундијалот во Катар, откако подобро изведуваше пенали од Шпанија (3-0).
Откако во регуларниот дел немаше голови мечот замина во продолженија, а таму најголемата шанса ја имаше Сарабија, кој ја погоди стативата во 120 минута.
Во пенал серијата Шпанците комплетно потфрлија и не постигнаа ниту еден гол од три обиди, па Мароко се пласира во четвртфиналето.
Шпанците важеа за фаворит, меѓутоа не се наметнаа премногу и се играше целосно рамноправно. Првото полувреме го одбележаа шансите на Марко Асенсио, како и Најеф Агерд за Мароканците, меѓутоа мрежите на двата гола остнаа празни по првите 45 минути.
И во вториот дел двете репрезентации не понудија којзнае каков фудбал.
Мароканците имаа контри и неколку полушанси кои не ги искористија, а во финишот Шпанија имаше доминација.
Првото доигрување беше мирно, а второто продолжение беше со уште пониско темпо.
Во пенал серијата поуспешни беа Мароканците.
Мароко за првпат во историјата ќе игра меѓу осумте најдобри, а таму ќе игра со подобриот од натпреварот меѓу Португалија и Швајцарија.