Јавниот обвинител не треба да се избира со политички договор, вели министерот за правда Бојан Маричиќ одговарајќи на новинарско прашање за предлогот на ВМРО-ДПМНЕ, опозицијата да предлага личност на оваа позиција.
Тој потсети дека изборот на јавен обвинител е определен со Уставот и за да се смени начинот на избор мора да се менува Уставот.
„Согласно процедурата, според Уставот, Владата го предлага, а Собранието го избира со апсолутно мнозинство. За да се промени таа процедура, треба да се промени Уставот, и сметаме дека не е време за тоа. Политиката треба да остане настрана од судството“,
рече Маричиќ.
Тој призна дека ова е стара идеја на актуелната власт, од пред неколку години, од која сегашната опозиција се откажала, можност што била и во текот на создавањето на новиот закон за ЈО.
Исто така, укажа и на, како што рече негативното искуство со СЈО, кое било критикувано од опозицијата. Тој ја повика опозицијата да се вклучи активно во новите законски проекти и во борбата против корупцијата.