Вицепремиерот за европски прашања Бојан Маричиќ во контекст на форумот „Balkan Integration Forum 2022″ на својот фејсбук профил напиша дека сега е најважно што побрзо ЕУ да направи јасен план за проширувањето на Западен Балкан, со временска рамка во која земјите од Западен Балкан или барем повеќето од нив ќе станат членки на Европската Унија.
„Со тоа ќе потврди дека Европската Унија функционира за Западниот Балкан и дека е единствен проект за регионот”,
вели вицепремиерот за европски прашања Бојан Маричиќ.
Според него, претставниците на Европската Унија знаат дека ЕУ мора да остане и мировен и политички проект.
Тој смета и дека и претставниците на Европската Унија знаат дека Унијата мора да остане и мировен и политички проект, за да успее и за да ја одржи својата сила внатре, но и надвор од границите на Европа, како глобален играч, кажа Маричиќ на форумот што го организираат Фондацијата Фридрих Еберт и Европското движење во Црна Гора.