Осомничениот го сторил делото во повеќе наврати, користејќи го отсуството на родителите
Основото јавно обвинителство Гостивар побарало мерка притвор за 15-годишно дете. Причината е постоењето сомнение дека детето сторило продолжено кривично дело, силување, а жртвата е девојче на петгодишна возраст.
До гостиварскиот суд е поднесено и барање за поведување подготвителна постапка за детето.
„…За кое постои сомнение дека сторило продолжено кривично дело – силување дете кое не наполнило 15 години од член 188 став 1 во врска со член 45 од Кривичниот законик“.
„Осомничениот, во неколку наврати, искористувајќи отсуство на родителите, намамувал петгодишно девојче во куќа и вршел обљуба врз него“,
соопштија од Јавното обвинителство.
Судијата за деца, информираа од Обвинителството, денеска го прифатил предлогот и определил притвор за детето во судир со законот.
Членот 188, во ставот 1, кој го употребува Јавното обвинителство за да го квалификува делото, предвидува затворска казна од најмалку осум години за сторител на силување на дете кое не наполнило 15 години.
Член 188
„(1) Тој што ќе изврши полов однос или друго со него изедначено полово дејство
што се состои во вагинална, анална или орална пенетрација, со кој било дел од
телото или предмет во телото врз дете кое не наполнило 15 години, ќе се казни
со затвор најмалку осум години.“