Макрон домаќин на втор итен состанок за Украина

Денешниот состанок следува по вчерашните разговори на претставници на САД и Русија во Саудиска Арабија за руско-украинскиот конфликт, без украински претставници

Францускиот претседател Емануел Макрон денеска ќе биде домаќин на вториот по ред вонреден самит посветен на Украина и европската безбедност. За разлика од состанокот во понеделникот, овој пат се поканети и Канада и другите европски земји што не присуствуваа на собирот од пред два дена.

На состанокот во Париз се очекува да бидат присутни претставници и на Норвешка, Естонија, Летонија, Литванија, Чешка, Грција, Финска, Романија, Шведска и Белгија.

По средбата во понеделникот, европските лидери испратија порака дека Киев не смее да биде изоставен од мировните преговори за ставање крај на војната и дека САД треба да бидат гарант на трајниот мир во земјата.

• ЕУ и САД не смеат да бидат поделени во мировните преговори за Украина, рече Шолц по состанокот во Париз

Францускиот претседател телефонски го информираше својот украински колега за заклучоците од состанокот.

• Макрон и Зеленски се согласни дека силни безбедносни гаранции се клучот за траен мир во Украина

Денешниот втор по ред итен состанок за Украина следува по вчерашните разговори на претставници на САД и Русија во Саудиска Арабија за руско-украинскиот конфликт, без украински претставници.

• Рубио по состанокот во Саудиска Арабија: Договорот за конфликтот во Украина треба да е прифатлив за сите вклучени страни