Уапсениот 51-годишен македонски државјанин е пренесен во притвор и против него е поднесена кривична пријава
Државјанин на Северна Македонија е уапсен и притворен во Хрватска поради шверц на 25 мигранти, јавува Индекс.хр.
Осомничениот утрово бил сопрен од полицијата во Имотски. Тој бил зад воланот на комбе во кое имало 25 странци кои илегално влегле во Хрватска.
„Постои основано сомнение дека 51-годишникот од личен интерес им помагал на странски државјани при незаконско движење така што, по претходен договор, ги презел на подрачјето на Имотски откако нелегално пеш влегле територијата на Хрватска“,
информира Антонела Лолиќ од сплитската полиција.
Уапсениот 51-годишен македонски државјанин е пренесен во притвор и против него е поднесена кривична пријава.