Во главната борба на турнирот што се одржува во Мајами, Славески синоќа го совлада Американецот Џејк Лидзи и со едногласна одлука на судиите беше прогласен за нов шампион во оваа категорија
Македонскиот боксер Горјан Гого Славески е новиот светски шампион во бокс без ракавици во велтер категорија.
Во мечот за светската титула на турнирот што се одржува во Мајами, Славески синоќа го совлада Американецот Џејк Лидзи и со едногласна одлука на судиите беше прогласен за нов шампион во оваа категорија.
До победата дојде откако го совлада противникот во три од петте рунди.
Gorjan Slaveski defeats Jake Lindsey via unanimous decision (49-46, 49-46, 48-47) to become the undisputed #BKFC welterweight champion. #BKFC49 pic.twitter.com/UulSdpeH5u
— InsideFighting (@InsideFighting_) August 26, 2023
Во својата кариера, Славески досега има шест победи од исто толку борби во ова натпреварување.
По синоќешната победа, Славески се огласи на социјалните мрежи и, објавувајќи го постигнатиот успех, напиша: „За мојот народ никогаш да не се зборува во деминутив“.
Тој сега го поседува шампионскиот појас кој претходно му припаѓаше на Луис Паломино кој неодамна се откажа од шампионскиот појас во оваа категорија.