Опозициската партија почна и кампања против попис во 2021 година
Бојкот на пописот, доколку операцијата не биде одложена за една година, односно да се спроведе во април 2022 година, најави денеска Левица, за што почна и кампања насловена „Не отворам врата“
Ситуацијата со ковид-19, „правната недореченост на законот за попис и политичкиот договор за фингираните резултати“ се аргументите поради кои опозициската партија повикува да се делигитимира статистичката операција.
„Ние бараме пописот да се одложи за 12 месеци, односно за април 2022 година и, со широк консензус, да се донесе комплетно нов закон“,
рече пратеникот на Левица Борислав Крмов.
ВМРО-ДПМНЕ минатата седмица поднесе во Собранието предлог-закон за поништување на Законот за попис, ама владејачките партии, како и опозициската Алијанса/Алтернатива, се изјаснија дека се против ова решение.