Левица: Наредбата на Бајден е дел од империјалистичката надворешна политика на САД

Од партијата посочуваат дека ќе продолжат да се спротивставуваат на сите политики и договори кои, според нив, се штетни за националните интереси воспоставени од АСНОМ

Извршната наредба на Бајден за санкции на сите субјекти кои се против Охридски и Преспански договор е дел од империјалистичката надворешна политика на САД која оперира со притисок, санкции, закани и воени интервенции – насилничка политика, реагираат од политичката партија Левица, во врска со декретот на американскиот претседател за санкции (забрана за влез и замрзнување на имот во САД) против оние што не ги почитуваат договорите.

Од Левица велат дека со ова се покажало оти борбата за националниот суверенитет сега ќе падне на грбот на обичните граѓани, односно оние што не располагаат со капитал за да може да бидат уценувани на ваков начин.

„Всушност, ваквите договори како Рамковниот, Преспанскиот и бугарскиот предизвикуваат регионална нестабилност, а не обратно. Искуството низ годините покажа дека Охридскиот договор е само алатка на задоволување на теснопартиските интереси на ДУИ, кој 20 години е на власт на Македонија. Доследни на левичарската традиција, партијата Левица ќе продолжи да се спротивставува на сите штетни политики и договори кои се против националните интереси, воспоставени уште од АСНОМ. Од друга страна, додека македонската опозиција е заглавена во западен фундаментализам, не очекуваме автентичен отпор против ваквите договори“,

велат од Левица.

Бајден најави санкции и за непочитување на Преспанскиот договор

Од ВМРО-ДПМНЕ, пак, денеска во реакција на декретот на Бајден рекоа дека нивен стратегиски приоритет бил членството во НАТО со заштита на нашиот национален идентитет, а сега и членството во ЕУ, како и дека ќе ја почитуваат и ќе ја почитуваат волјата на граѓаните. Пратеникот и меѓународен секретар на партијата, Тимчо Муцунски, рече и дека приоритет во меѓународната политика треба да биде борбата против корупцијата, за што исто така САД предвидуваат санкции.

ВМРО-ДПМНЕ за најавените санкции на САД за непочитување на Преспанскиот договор: Ќе ја почитуваме волјата на граѓаните

Во првата реакција од власта, пак, вицепремиерот Љупчо Николовски, рече дека извршната наредба на Бајден е порака за сите оние што ги блокираат и ги кочат процесите во државата.

Николовски: Наредбата на Бајден е порака за сите што ги блокираат процесите во државата