Едно лице е приведено бидејќи денеска во полиција пријавил дека бомба ќе експлодира пред зградата на Владата за време на посетата на претседателката на ЕК Урсула фон дер Лајен.
„Полициски службеници привеле едно лице, кое во 10:32 часот во СВР Скопје телефонски пријавило дека при посетата на претседателката на ЕК Урсула фон дер Лајен ќе биде активирана експлозивна направа пред зградата на Владата“,
информираат од Министерството за внатрешни работи.
Додаваат дека преземни се сите потребни мерки и активности и утврдено е дека пријавата е лажна.
„Лицето И.М. е приведено и задржано во полициска станивца по насоки на јавен обвинител, за натамошна постапка. Лажната пријава не влијае на посетата на претседателката на ЕК и активностите продолжуваат по планираната агенда“,
велат од Министерство.