Градоначалникот на Скопје, Петре Шилегов објави фотографии од новиот стационар за вдомување кучиња скитници со кој ќе раководи новото ЈП „Лајка“.
Тој најавува дека прифатилиштето ќе биде отворено веднаш по одржувањето на предвремените парламентарни избори.
Стационарот „Лајка“ во споредба со „Вардариште“ ќе има поголем внатрешен капацитет и наместо 80 метални боксови ќе има нови ѕидани 100 апартмани за кучиња со подно греење и со вентилација по стандардите пропишани во правилниот за прифатилишта од Агенцијата за храна и ветерина. Дополнително максимално е искористен и надворешниот дел од објектот и ќе има 60 нови боксови за поголеми раси на кучиња кои ќе имаат пристап до новиот парк.
„Лајка“ ќе биде првата алка во синџирот за хумано решавање на проблемот со кучињата скитници и значително намалување на нивниот број на улиците.