Претставникот на ЕУ пристигна во Приштина ненадејно и без претходна најава за медиумите, и во екот на засилените напори на меѓународните претставници да ги натераат Белград и Приштина да го прифатат европскиот предлог
По ненадејната посета на Приштина и без претходни најави и официјални потврди, европратеникот Мирослав Лајчак се сретна со премиерот на Косово и шефот на приштинскиот преговарачки тим во Брисел.
„Се вратив во Косово за да продолжам со искрени, отворени и интензивни разговори со премиерот Албин Курти и вицепремиерот Бесник Бислими за следните чекори и патот напред во нормализацијата на односите со Србија“,
напиша Лајчак во кусата објава на Твитер.
Back in Kosovo today to continue my frank, open and intense discussions with PM @albinkurti and DPM @BislimiBesnik on next steps and the way forward on normalisation of relations with Serbia. We also agreed that all past Dialogue Agreements must be fully implemented. pic.twitter.com/zURabtdEmF
— Miroslav Lajčák (@MiroslavLajcak) January 25, 2023
Тој тврди и дека во Брисел се договориле за спроведување на сите претходно преземени обврски.
Тие, исто така, како што посочува, „се согласија дека сите досегашни договори во дијалогот мора целосно да се спроведат“.
Косовскиот премиер и неговиот заменик не ја најавија средбата со Лајчак.
Медиумите пред средбата пишуваа за можна средба со Курти.
Претставникот на ЕУ пристигна во Приштина ненадејно и без претходна најава за медиумите, и во екот на засилените напори на меѓународните претставници да ги натераат Белград и Приштина да го прифатат европскиот предлог.
Вечерва рече дека не доаѓа со закани или ултиматуми, но и дека ЕУ ќе ја намали поддршката на страната која не се согласува со предлогот, односно дека повеќе ќе ја поддржува другата страна.
И додека европските функционери, вклучително и претставниците на САД, бараат да се разговара, односно да се склучи договор врз основа на европскиот предлог, заедно со ова прашање, јавноста сè повеќе инсистира на она што Приштина одбива да го направи – формирање на Унијата на Српски општини.
Освен официјален Белград, ова барање до косовскиот премиер најчесто го испраќаат и американски претставници.
Предлогот на ЕУ, кој во јавноста е познат и како француско-германски план, беше доставен до властите во Приштина и Белград на крајот на минатото лето.
Официјални лица во Приштина претходно изјавија дека предлогот претставува добра основа за продолжување на дијалогот со Србија, а од Белград рекоа дека тој не е прифатлив бидејќи подразбира признавање на независноста на Косово.
Сепак, по посетата на петчлената европско-американска делегација на Приштина и Белград на 20 јануари, која имаше цел да разговара за планот, претставниците на дипломатскиот тим им рекоа на новинарите дека очекуваат „подобро разбирање“ на европскиот предлог од косовскиот премиер.
Од тој ден никој од косовската влада не го коментираше планот.
Од друга страна, официјален Белград потврди дека е подготвен да „работи на основите и да го спроведе“ истиот план.