Северна Македонија сработи одлично на патот на евроинтеграциите, напиша денеска на твитер австрискиот канцелар Себастијан Курц, по средбата со премиерот Зоран Заев на Самитот на ЕУ за Западен Балкан во Виена.
Според канцеларот Курц, потребно е да се исполнат ветувањата и брзо да се започнат пристапните преговори.
„Ние мора сега да ги одржиме нашите ветувања и брзо да ги започнеме пристапните преговори“,
пишува на твитер канцеларот Курц.
Very good to see @Zoran_Zaev again in Vienna! North Macedonia has done an excellent job on its way towards #EUIntegration. We must now keep our promises and swiftly start accession negotiations! pic.twitter.com/YLozBwHBnJ
— Sebastian Kurz (@sebastiankurz) June 18, 2021
Заев претходно, упати искрена благодарност до канцеларот на Австрија бидејќи демонстрирал вистинска одговорност и лидерство и кон Западен Балкан и кон Европа.
„Сè додека постојат вакви лидерства посветени на интеграциите, европската идеја нема да може да биде сериозно загрозена, а европската перспектива секогаш ќе биде победник над евроскептицизмот. Денешната панел-дискусија во Виена уште еднаш покажува дека иднината на Европа е со Западен Балкан, а иднината на Западниот Балкан е со Европа“,
порача Заев преку Фејсбук.