Кризниот штаб препорача ковид-изолацијата да трае седум дена

Препораката од Главниот координативен кризен штаб следува по усвојувањето на предлогот од Комисијата за заштита од заразни болести и веќе е доставена до Владата, а за неа ќе треба да се расправа на следната владина седница

На синоќешната седница Главниот координативен кризен штаб ја усвои препораката на Комисијата за заштита од заразни болести за кратење на периодот за изолација на ковид-позитивните од десет на седум дена.

Препораката за кратење на изолацискиот период е врз основа на предлогот на Комисијата за заштита од заразни болести поради, како што наведуваат од  Владата, полесната клиничка слика што ја предизвикува сојот омикрон.

Намалување на изолацијата од десет на седум дена за ковид позитивните, препорача Комисијата за заразни болести

На седницата на Главниот координативен кризен штаб министерот за здравство Беким Сали ја презентирал моменталната состојба со пандемијата предизвикана од ковид-19 во земјава.

Препораката од Главниот координативен кризен штаб е веќе доставена до Владата, а за неа ќе треба да се расправа на следната владина седница, информира владината прес-служба.

Претходно, министерот за здравство Беким Сали истакна дека засега единствено се размислува за кратење на изолацискиот период за ковид-позитивните од десет на седум дена, но не и за укинување на сертификатите и маските.

МЗ: Препорачано е само скратувањето на времетраењето на изолацијата, не е разговарано за укинување на сертификатите и маските

Вчера и Словенија ја усвои одлуката за кратење на изолацискиот период, од десет на седум дена, поради брзото ширење на сојот омикрон, па заразените ќе можат да се вратат на работа по седум дена, доколку добијат негативен тест.

Словенија ја скрати изолацијата за омикрон од десет на седум дена