Основното јавно обвинителство (ОЈО) Скопје, по приведување на осомничениот, кој осум дена беше недостапен за органите на прогонот, предложи да му биде определен затворски притвор и на 13 јануари најави дека ќе се жали по одлуката на Судот, откако му беше определен куќен притвор
За петтиот од осумтемината осомничени за упадот во Македонската навигација, Кривичниот суд Скопје денеска ја прифати жалбата на Основното јавно обвинителство и наместо мерка куќен притвор му определи мерка притвор во траење од 30 дена.
„Кривичниот совет при Основниот кривичен суд Скопје постапувајќи по жалба на Основното јавно обвинителство Скопје против решение на судија на претходна постапка со кое на 12.01.2024 година на Љ.Ќ за кој постои основано сомнение дека учествувал во настаните во М-НАВ, му определи мерка куќен притвор и дополнителна мерка за претпазливост – Одземање на патна исправа и забрана за издавање нова, донесе решние со кое жалбата на Јавниот обвинител се уважува и на осомничениот му се определува мерка притвор во траење од 30 дена“,
се вели во соопштението од Кривичниот суд.
Оттаму велат и дека против ова решение не е дозволено право на жалба.
Основното јавно обвинителство (ОЈО) Скопје, по приведување на осомничениот, кој осум дена беше недостапен за органите на прогонот, предложи да му биде определен затворски притвор и на 13 јануари најави дека ќе се жали по одлуката на Судот, откако му беше определен куќен притвор
На 12 јануари беше приведен петтиот од вкупно осумтемина осомничени за насилниот упад во М-НАВ, откако претходно беше недостапен за органите на прогонот.
За настанот кој предизвика бура во јавноста, Обвинителството отвори истрага против осум лица, кои се товарат за кривичното дело загрозување на безбедноста на воздушниот сообраќај.
Четири лица кратко по инцидентот се најдоа во полициска станица, а од 11 јануари се наоѓаат и во куќен притвор, додека останатите четворица беа во бегство и полицијата трагаше по нив по распишана интерна потерница.
Меѓу четворицата за кои Судот му определи мерка домашен притвор е и Беким Незири, ексминистер, актуелен претседател на огранокот на ДУИ во Чаир и вработен во М-НАВ.
За потсетување, инциденот кој се случии во М-НАВ на 4 јануари беше регистриран и во полицискиот билтен.
Според пријавата, која во МВР стигнала од вработен во македонската навигација, тројца вработени во М-НАВ биле нападнати од свој колега и од уште неколку други непознати лица.
„Денеска (4.1.2024) околу 15:15 часот во ПО Петровец лице вработено во М-НАВ пријавило дека во објектот имало нарушување на јавниот ред и мир односно дека Б.Н. (лице вработено во институцијата) заедно со уште неколку непознати лица физички ги нападнале П.Б., Е.К. и Б.Р. (лица вработени во институцијата). Веднаш по добиената пријава, полициски службеници од СВР Скопје се упатени кон местото на настанот и се преземаат мерки за расчистување на случајот“,
информираат од МВР.