Четиринаесет лица од село Двориште, Беровско, заработија кривични пријави оти на 13 јануари годинава правеле приватна забава спротивно на мерките за заштита.
Пријавените, за празникот Василица или познат како Стара нова година, организирале забава во продавница во село Двориште, Беровско, со што постапиле спротивно на здравствените прописите со кои се определуваат мерки за сузбивање или спречување на ширење на заразната болест ковид-19.
Како што информира Министерството за внатрешни работи, надворешната канцеларија за криминалистички работи Берово до Основно јавно обвинителство Берово поднесе кривична пријава против Ј.К.(40), Х.М.(21), К.С.(41), Д.К.(54), Д.М.(43), С.К.(37), З.Ч.(40), Т.К.(31), П.К.(58), Б.П.(30), Б.К.(25), Н.Џ.(22), Д.Џ.(26) и Т.К.(40), сите од с. Двориште, Беровско, поради постоење основи на сомнение дека сториле кривично дело непостапување според здравствените прописи за време на епидемија, согласно член 206 став 1 од Кривичниот законик.
„Пријавените, на 13 јануари 2021 околу 1 часот во продавница во с. Двориште организирале и учествувале на прослава во затворен простор, со што постапиле спротивно на здравствените прописите со кои се определуваат мерки за сузбивање или спречување на ширење на заразната болест ковид-19“,
информира МВР.