Од Апелација за „360 степени“ потврдија дека го добиле предметот и тој е испратен на мислење во Вишото јавно обвинителство (ВЈО) Скопје, а потоа судиите ќе треба да донесат одука, но прашање е дали ќе имаат време да донесат одлука пред делото да застари на еден од обвинетите – поранешниот директор на УБК, Сашо Мијалков, кој од првостепениот суд е осуден на двегодишна затворска казна делото примање наградата за противзаконито влијание
Основниот кривичен суд Скопје повторно го испрати предметот „Титаник 2“ до Апелација, откако второстепениот суд му го врати бидејќи не чекал да истечат роковите за жалби за пресудата.
„Предметот со КОК бр. 7/20 од обвинителството означен како ’Титаник 2‘ на 20.3.2023 година е доставен во Апелациониот суд Скопје на надлежно постапување. Имено по добиени жалби од обвинетиот М.Т. и неговиот бранител, како и известување од надлежниот јавен обвинител дека нема да поднесе дополнителни жалби, предметот е комплетиран, испочитувани се сите утврдени рокови и доставен е на понатамошно второстепено постапување. По наведениот предмет Апелациониот суд Скопје веќе еднаш има постапувано, па согласно одредбите од ЗКП сега треба да донесе мериторна одлука по добиените жалби“,
нагласија од Кривичен.
Од Апелација за „360 степени“ потврдија дека го добиле предметот и тој е испратен на мислење во Вишото јавно обвинителство (ВЈО) Скопје, а потоа судиите ќе треба да донесат одука, но прашање е дали ќе имаат време да донесат одлука пред делото да застари на еден од обвинетите – поранешниот директор на УБК, Сашо Мијалков, кој од првостепениот суд е осуден на двегодишна затворска казна делото примање наградата за противзаконито влијание.
Се бројат деновите до застарување во април, а за да не дојде до тоа во Апелација треба да се одржи седница, која на барање на странките може да биде и јавна, а по неа и да се донесе и одлука за пресудата.
Во овој предмет, кој се однесува на договарање за гласање за приговори на ВМРО-ДПМНЕ за локалните избори во Струмица во 2013 година, со првостепената пресуда на двегодишни затворски казни осудени се и лидерот на ДПА, Мендух Тачи, и четворица поранешни членови на ДИК (Бедредин Ибраими, Анета Стефановска, Влатко Сајковски и Сашо Срцев), меѓутоа тие се за друго дело – повреда на избирачкото право.
Случајот се доведе пред застарување на делото за Мијалков, откако околу пет години предметот не можеше да дојде до правосилна пресуда пред судовите. Судењето започна во април 2018 година, а осудителна пресуда од Кривичен беше донесена во март 2019 година. Меѓутоа, Апелација во декември 2019 ја укина и го врати предметот на повторно судење.
Во повтореното судење, нова пресуда Кривичен донесен крајот на јануари 2023. Брзајќи да не ги испушти роковите, првостепениот суд го испрати предметот во Апелација, но оттаму минатата недела го вратија повторно со објаснување дека не било чекано да помине рокот за жалба од 15 дена. Со оглед дека рокот почнува да тече од денот на прием на пресудата, Тачи како последен што ја добил на 2 март 2023 година имаше рок да се жали до 17 март. Откако во петокот истече рокот, следуваше вчерашното повторно испраќање на предметот од Кривичен кон Апелација.