Американскиот претседател Доналд Трамп изјави дека се прават сите напори да се најде вакцина против коронавирусот до крајот на годинава, но рече дека САД ќе се вратат во нормала со или без вакцината.
„Сакам да бидам јасен: Со или без вакцина, ние се враќаме. И тој процес го започнуваме“,
изјави Трамп, пренесе Си-ен-ен.
Говорејќи во Белата куќа на промовирање на проектот „Операција исправање на кривата“ кој предвидува засилени напори за пронаоѓање на вакцина до крајот на годината, Трамп беше единствениот од присутните кој не носеше маска, нешто што тој одбива да го користи, истакнувајќи во повеќе наврати дека тоа не е за него.
Претседателот на САД рече дека неговата администрација ќе ги мобилизира сите расположливи сили за распространување на вакцината откако таа ќе биде развиена.
„Сметаме дека ќе имаме вакцина во блиска иднина, и ако се случи тоа, навистина ќе направиме голем чекор. Но и ако немаме, тоа ќе биде како и во многу други случаи- имате проблем, кој по некое време ќе исчезне“,
рече Трамп.
Тој ги повика сојузните држави да ги укинат рестрикциите за да може да се опорави економијата до изборите во ноември.
Центар за контрола и превенција на болести во САД (ЦДЦ) објави предупредување дека бројот на смртни случаи како последици на корорнавирусот во САД до 1 јуни ќе надмине 100 000.
САД се први на листата во светот по бројот за заболени со ковид-19 со 1 484 285 лица и починати 88 507 лица.