Трите случаи не се од ист оддел на Клиниката
Доктор, медицинска сестра и медицински техничар од Универзитетската клиника за нефрологија при Клиничкиот центар во Скопје се позитивни на ковид-19.
Трите случаи не се од ист оддел на Клиниката, информирале за МИА од Министерството за здравство.
Медицинската сестра, како што се посочува, е со лесни симптоми, а медицинскиот техничар е без симптоми на фебрилност и кашлица.
Еден доктор е во самоизолација во следните три дена, со потврден негативен тест за ковид-19. Нема друг персонал што е во самоизолација, според проценка од епидемиолози, нагласуваат од Министерството за здравство.