На видеото што го објави опозицискиот пратеник се гледа како човек пука со автоматска пушка од балкон на кој е истакнато турско знаме. Во заднина на видеото се слуша гласна музика, од што може да се заклучи дека станува збор за некаква веселба
Пратеникот и член на Извршниот комитет на опозициската ВМРО-ДПМНЕ, Драган Ковачки, денеска на Твитер објави видео на кое се гледа како човек пука со автоматска пушка од балкон на кој е истакнато турско знаме.
На објавеното видео се слуша гласна музика, од што може да се заклучи дека станува збор за некаква веселба.
Во објавата на Твитер, Ковачки вели дека настанот се случил во земјава, а за лицето кое пука со оружјето тврди дека е командир на полициска станица.
„Со дивјаштвото и односот од првите луѓе на полицијата, личиме на африканска држава. Ова е во Македонија – командир на полициска станица, со автоматско оружје предизвикува општа опасност и не одговара за ништо. Не одговара ниту тој што го поставил“,
пишува Ковачки во објавата на Твитер.
Со дивјаштвото и односот од првите луѓе на полицијата, личиме на африканска држава.
— Драган Ковачки (@Kovacki1) August 27, 2023
Ова е во МК, командир на полициска станица, со автоматско оружје предизвикува општа опасност и не одговара за ништо.
Не одговара ниту тој што го поставил.#ДалекуСмеОдЕу pic.twitter.com/MVeBlWwdMd
Во меѓувреме, од Министерството за внатрешни работи (МВР) велат дека се преземаат активности за расчистување на случајот, за чиј исход јавноста ќе биде информирана.