Во првата официјална посета на Брисел откако е на премиерската функција, Ковачевски ќе го придружуваат и шефот на македонската дипломатија Бујар Османи, министерката за одбрана Славјанка Петровска и вицепремиерот за европски прашања Бојан Маричиќ
Првпат откако е на премиерската функција, Димитар Ковачевски утре и задутре ќе оствари официјална посета на седиштата на ЕУ и НАТО во Брисел.
Во текот на утрешниот ден премиерот Ковачевски најпрво ќе се сретне со генералниот секретар на НАТО, Јенс Столтенберг, а на средбата ќе бидат присутни и шефот на македонската дипломатија Бујар Османи и министерката за одбрана Славјанка Петровска.
Попладнето премиерот ќе има средба со претседателот на Европскиот Совет, Шарл Мишел, како и со претседателката на Европскиот парламент, Роберта Мецола. Средба со претседателката на Европската Комисија, пак, Урсула фон дер Лајен, е предвидена за в петок претпладне.
Премиерот Ковачевски ќе оствари средби со и членови на Европскиот парламент и со поранешниот еврокомесар за проширување Јоханес Хан. Што се однесува до сегашниот еврокомесар за проширување Оливер Вархеји, тој се наоѓа на пат, информираа од Европската комисија.
Освен Османи и Петровска, премиерот Ковачевски во Брисел ќе го придружува и вицепремиерот за европски прашања Бојан Маричиќ.